Cartafol de actividade

Rutas de sendeirismo en abril

Mércores 19. Roteiro por Compostela. Parques e xardíns. Visita ao CIAC

• Lonxitude: 6 km
• Desnivel: baixo
• Dificultade: moi baixa
• Hora e lugar de saída: 16:45, diante da Facultade de Filosofía, na praza de Mazarelos        
• Hora e lugar de regreso: 19:30 aproximadamente, na piscina universitaria

Comezamos a actividade na Facultade de Filosofía, e pasando polo Arco de Mazarelos e a rúa de Pexigo de Arriba, imos ata o parque de Belvís para visitar o CIAC (Centro de Interpretación Ambiental de Compostela). Esta visita durará aproximadamente unha hora. Ao rematar comezaremos o nos roteiro polos parques e xardíns. Pasaremos polos parques de Belvís, Bonaval, Almáciga, Fermín Bouza Brey, Parque da Música e Vista Alegre.

Sábado 29. Ruta d'A Cubela.  Ribeira Sacra. Ribas de Sil.

• Lonxitude: 16 km
• Desnivel: medio (forte nalgúns puntos)
• Dificultade: media.
• Hora de saída: ás 08:00
• Hora de regreso: ás 20:30 aproximadamente.

Imos ata o concello de Ribas de Sil, preto de Quiroga, para facer un dos sendeiros homologados da Ribeira Sacra: o PR-G180: a Ruta da Cubela. 

O itinerario, que é circular, comeza na aldea de Castro de Abaixo e vai subindo, entre enormes soutos, ata chegar ao pobo de Torbeo. Alí comeza o descenso ata o lugar da Cubela desde onde se regresa ao comezo da ruta pola beira do río Sil.

A paisaxe é espectacular e moi variada. Moi salientable é tamén a biodiversidade, xa que a zona é rica en flora típica mediterránea.

Faremos unha pequena variante do sendeiro oficial para camiñar máis polo souto e alongar un pouco a ruta.

• Mapa da ruta da Cubela (PR-G180)
• MIDE da ruta da Cubela (PR-G180)

Estas andainas son unha actividade organizada polo Servizo de Deportes da USC.