Fundación USC Deportiva USC
Inicio > Actualidade > Axenda > Evento

Evento

Sábado 18 de novembro. Subida ao Capeloso

Esta é a nosa primeira actividade montañeira do curso, dentro da programación prevista para este tipo de actividades.

No Capeloso xa estivemos anteriormente, acadamos o seu cumio dende Zanfoga, parroquia do concello de Pedrafita do Cebreiro. Nesta ocasión o ascenso o faremos dende Las Herrerías, lugariño do concello de Vega de Valcarce, en pleno camiño de Santiago.

O percorrido é unha auténtica marabilla pola paisaxe da que goza e o seu interese natural. As dificultades veñen dadas principalmente polo desnivel de subida(forte nalgúns puntos) aínda que os camiños son bos, salvo o último medio quilómetro antes do cumio. Aquí temos que subir por unha zona de pedras e un tramo entre a vexetación (non é preciso apoiar as mans, pero si que hai que ter un pouco de equilibrio).

O Capeloso é un cumio modesto de case 1.600 m de altitude, pero o feito de subilo dende Las Herrerías fai que a sensación de cumio sexa maior e probablemente máis satisfactoria. O descenso é máis levadío, principalmente por pistas entre amplas zonas de bosque.

A actividade de ascenso ao Capeloso polo seu desnivel a consideramos unha actividade de montaña. É preciso ter unha boa condición física e estar acostumado a facer rutas de sendeirismo con soltura, así como ter certa capacidade de esforzo. Non é unha actividade apta para xente con pouca experiencia.

« Novembro - 2017 »
L Ma M X V SD
  01 02 03 04 05
06 07 08 09 10
11
12
13 14 15 16 17
18
19
20 21
22
23 24
25
26
27 28 29 30  

Sábado 11 novembro. Ruta do Farricoque (Luíntra)

Percorrido no concello de Nogueira de Ramuín coñecido como a ruta do Farricoque.

Sábado 18 de novembro. Subida ao Capeloso

Esta é a nosa primeira actividade montañeira do curso, dentro da programación prevista para este tipo de actividades.

Sábado 18 de novembro. II Curso Monográfico de Tai Chi e Chi Kung

O tai chi chuan, comunmente chamado tai chi, é unha antiga arte marcial de orixe chinesa, practicada na actualidade en todos os rincóns do mundo e recoñecida polos seus beneficios ...

Mércores 22 de novembro. Roteiro por Compostela. Roteiro Micolóxico.

Camiñada polo río Sarela, Selva Negra e lombas do Pedroso para recoller os cogomelos.

Sábado 25 de novembro. Camiño dos Faros. De Ponte do Porto a Muxía.

Nova etapa deste marabilloso percorrido pola Costa da Morte.