Fundación USC Deportiva USC
Inicio > Actualidade > Axenda > Evento

Evento

Sábado 26 de maio. O Grove. Ruta de Lecer.

Esta ruta percorre o litoral oeste da península do Grove partindo do Museo da Salazón, en punta Moreiras, e rematando en San Vicente do Grove.

Durante todo o percorrido, practicamente chairo, pasaremos por numerosas praias, como Area das Pipas, Area Grande ou Canelas e zonas de diverso interese natural ou cultural, como a lagoa de Bodeiro ou a necrópole do Adro Vello.

Nun punto da ruta desviarémonos cara ao interior para cambiar a perspectiva da paisaxe e adentrarnos en zonas rurais e gozar das vistas da illa de Ons dende unha zona algo máis elevada.

Os camiños, en xeral, son cómodos, aínda que algúns tramos son areosos e farán o noso camiñar algo pesado.

Antes de comezar a camiñar faremos unha visita guiada dunha hora de duración, aproximadamente, ao Museo da Salazón. Esta visita ten un custo de 2€ por persoa e non está incluída na inscrición. Cada persoa deberá abonalo no momento.

Practicamente toda a ruta transcorre por espazos protexidos pola Rede Natura 2000.

  • Hora de saída: ás 09:00 h., diante da Piscina Universitaria
  • Hora de regreso: ás 21:00 h., aproximadamente.
  • Lonxitude: 12 km, aproximadamente.
  • Desnivel: baixo.
  • Dificultade: baixa-media.
« Xaneiro - 2019 »
L Ma M X V SD
  01 02 03 04 05 06
07 08 09 10 11 12 13
14 15 17 18
19
20
21 22 23 24 25
26
27
28
29 30 31  

Sábado 19 de xaneiro. Arredores de Corrubedo

Comezamos o ano cun fermosísimo percorrido costeiro pola zona de Corrubedo e o seu parque natural.

Sábado 26 de xaneiro. As Fragas de Trabada. Ruta do Vento

O concello de Trabada agocha un valiosísimo tesouro nas ladeiras da serra da Cadeira: as Fragas de Trabada.

Luns 28 de xaneiro. Especial Santo Tomás de Aquino. Fervenza de Augacaída e castro de Marce.

Ruta até a fervenza de Augacaída e o castro de Marce, probablemente un dos sitios máis fermosos da Ribeira Sacra.